Mæður deyja, en móðureðlið lifir

Hjónin Annabell og Lucas taka að sér tvær ungar stúlkur sem í fimm ár höfðust við aleinar í skógarkofa, langt frá öðrum mannabústöðum. En voru þær í raun einar? Mama er hörkuspennandi hrollvekja eftir leikstjórann Andrés Muschietti, framleidd af hrollvekjumeistaranum Guillermo del Toro. Í aðalhlutverki er hin frábæra leikkona Jessica Chastain og í öðrum stórum hlutverkum eru þau Nicolaj Coster-Waldau, Megan Carpentier og Isabelle Nélisse.

Tvær ungar stúlkur, þær Victoria og Lilly, hafa verið týndar í fimm ár þegar þær finnast í gömlum skógarkofa langt utan alfaraleiðar. Þær haga sér nánast eins og villt dýr og verður það mönnum óskiljanlegt hvernig þeim hefur tekist að komast af í öll þessi ár við þessar aðstæður. Stúlkurnar eru þegar færðar til mannabyggða og komið fyrir í umsjá læknisins Dreyfuss sem hjálpar þeim að átta sig á hinum nýju aðstæðum. Eftir nokkurra mánaða endurhæfingu ákveður Dreyfuss að koma stúlkunum í fóstur til föðurbróður síns og unnustu hans og það er þá sem sannleikurinn byrjar að koma í ljós ...

Richard Roeper, sem tók við keflinu á vefsíðu Rogers Ebert eftir fráfall hans, segir m.a. í dómi sínum um Mama: „To the credit of director Andy Muschietti, his co-writing team and a first-rate cast, ‘Mama' succeeds in scaring the wits out of us ...“

Myndin var valin besta myndin á Fantasportokvikmyndahátíðinni auk þess sem Andrés Muschietti var valinn besti leikstjórinn.

16

Kaupa Miða

Enginn er öruggur

Eftir að mannskæð sprengja springur í London kemur í ljós að tilræðismaðurinn er fyrrverandi liðsmaður stjörnuflotans og hefur hvergi nærri sagt sitt síðasta! Nýjasta Star Trek-myndin, Into Darkness, er væntanleg í kvikmyndahús þann 15. maí, en hún er í leikstjórn J.J. Abrams sem einnig gerði síðustu Star Trek-mynd, en segja má að hún hafi verið nýtt upphaf þessarar vinsælu kvikmyndaseríu.

Sem fyrr eru það þau Chris Pine, Zoe Saldana, Karl Urban, Simon Pegg, Zachary Quinto og Alice Eve sem fara með aðalhlutverkin ásamt Benedict Cumberbatch, en hann leikur tilræðismanninn sem telur sig eiga harma að hefna gagnvart sínu eigin fólki og er sennilega bæði hættulegasti og öflugasti and- stæðingurinn sem þeir Kirk, Spock og áhöfnin á Enterprise hafa þurft að kljást við hingað til. Eftir sprenginguna öflugu í London kemur í ljós að það er John Harrison, fyrrverandi liðsmaður stjörnuflotans, sem stendur að baki ódæðinu.

Um leið verður mönnum ljóst að John hyggst ekki láta staðar numið og hefur skipulagt fleiri og jafnvel enn öflugri árásir á sitt eigið fólk. Við þessu þarf að bregðast og það kemur í hlut áhafnarinnar á Enterprise að stöðva brjálæðinginn áður en hann veldur meiri skaða ...

Nú þegar er undirbúningur að næstu Star Trek-mynd hafinn, en ekki er búið að gefa út hver muni leikstýra. Þess má geta að J.J. Abrams hefur verið fenginn til að leikstýra Star Warsmynd númer sjö sem verður væntanlega frumsýnd eftir tvö ár.

12

Kaupa Miða

Afskekktur bústaður út í skógi verður að blóði drifnum hryllingsklefa þegar fimm ungir vinir vekja óvart til lífsins ævagamlan djöful. Hið illa heltekur þau hvert á fætur öðru þar til aðeins einn er eftir til að berjast fyrir lífi sínu.

18

Kaupa Miða

Jordan (Berry) er þrautreyndur símavörður hjá neyðarlínunni og þegar hún tekur símtali frá unglingsstúlku (Breslin) sem hefur verið rænt þarf hún að horfast í augu við morðingja úr fortíð sinni til þess að bjarga lífi stúlkunnar.

16

Kaupa Miða

Leigumorðingi fær það verkefni að vernda unga konu gegn öflum sem vilja hana dauða, hvað sem það kann að kosta.

The Numbers Station er eftir danska leikstjórann Kasper Barfoed og um leið fyrsta myndin sem hann gerir á ensku. Kasper á að baki eina mest sóttu mynd síðasta áratugar í Danmörku, myndina Min søsters børn i Ægypten og gerði einnig spennumyndina Kandidaten árið 2008.

John Cusack leikur hér leigumorðingjann Emerson sem starfaði áður fyrir leynilega sveit sem hefur það verkefni með höndum að losa veröldina við óvini ríkisins. Emerson féll hins vegar í ónáð eftir að hann klúðraði einu verkefni sínu á sérlega klaufalegan hátt og í framhaldinu er hann sendur til Englands þar sem honum er falið að vernda unga konu, Katherine, en hún er talinn vera í lífshættu vegna starfs síns.

Undir venjulegum kringumstæðum ætti verkefnið ekki að flækjast fyrir Emerson, en hér er ekki allt sem sýnist. Þegar þau Katherine verða fyrir árás leita þau skjóls í rammgerðri herstöð sem er samt ekki svo traust að óvinir þeirra nái ekki í gegn að lokum ...

Myndin er tekin upp í Rendelsham herstöðinni í Suffolk í Englandi þar sem bandaríski flugherinn var með aðstöðu fyrr á árum. Staðurinn er einnig frægur fyrir að árið 1980 olli óskýrður ljósagangur því að í gang fóru sögur um að þar hefði lent geimfar og hefur staðurinn síðan verið kallaður "breska Roswell", með vísun í svipaða atburði sem gerðust í Roswell í Bandaríkjunum árið 1947.

Þess má geta að íslendingurinn Óttar Guðnason er kvikmyndatökumaður myndarinnar en Óttar hefur unnið m.a. með Baltasari Kormáki á Little Trip to Heaven og Inhale.

Myndin er frumsýnd á föstudaginn í Smárabíói, Háskólabíói og Borgarbíói Akureyri. Myndin er einnig frumsýnd samtímis á VOD-leigum Símans og Vodafone.

 16

Kaupa Miða

Afskekktur bústaður út í skógi verður að blóði drifnum hryllingsklefa þegar fimm ungir vinir vekja óvart til lífsins ævagamlan djöful. Hið illa heltekur þau hvert á fætur öðru þar til aðeins einn er eftir til að berjast fyrir lífi sínu.

18

Kaupa Miða

Hvað ungur nemur, gamall temur.

The Place Beyond the Pines er mögnuð mynd sem gerist í þremur þáttum á fimmtán ára tímabili og segir sögur sem fléttast saman í eftirminnilega heild. Það eru þau Ryan Gosling, Bradley Cooper, Eva Mendez, Rose Byrne, Dane DeHaan, Ray Liotta og Ben Mendelsohn sem fara með aðalhlutverkin í þessari afar vel gerðu gæðamynd sem svo sannarlega situr lengi eftir í minningu þeirra sem hana sjá. Í raun eru þetta þrjár sögur sem gerast allar í sama bænum þar sem örlög og aðgerðir persónanna í hverri þeirra ráðast ekki síst af því sem gerist í hinum sögunum.

Þessu er erfitt að lýsa á sannferðugan hátt í orðum, en handrit myndarinnar þykir mikil snilld og sögurnar þannig samanfléttaðar að þær þarf að upplifa frekar en að lesa. Í stuttu máli segir hér frá áhættuökumanninum Luke sem ákveður að segja skilið við vinnu sína og snúa sér að bankaránum þegar hann kemst að því að fyrrverandi unnusta hans hefur alið honum son. Á sama tíma kynnumst við lögreglumanninum Avery sem er drifinn áfram af miklum metnaði en glímir við alls kyns hindranir í starfi sínu. Og svo er það þriðja sagan ...

Þetta er í annað sinn sem Derek Cianfrance leikstýrir Ryan Gosling, en það gerði hann einnig í hinni margmargverðlaunuðu Blue Valentine árið 2010. Heiti myndarinnar, The Place Beyond the Pines, er í raun enska þýðingin á nafni bæjarins Schenectady þar sem stór hluti myndarinnar gerist, en nafn bæjarins er komið frá Mowhawk-indíánum. 

12

Kaupa Miða

Falskur fugl fjallar um Arnald, 16 ára ungling sem verður fyrir gríðarlegu áfalli þegar hann kemur að eldri bróður sínum látnum eftir sjálfsmorð. 

Kvikmyndin Falskur fugl er byggð á samnefndri skáldsögu Mikaels Torfasonar sem kom út árið 1997 og vakti mikla athygli. Handrit myndarinnar er eftir Jón Atla Jónasson (Frost og leikverkið Djúpið sem samnefnd mynd Baltasars Kormáks var að hluta byggð á), en leikstjóri er Þór Ómar Jónsson sem hér sendir frá sér sína fyrstu mynd í fullri lengd. 

Falskur fugl gerist yfir jól, þegar svartasta skammdegið er ríkjandi á Íslandi og raunveruleikinn getur verið hvað hráslagalegastur. Í kjölfar sjálfsmorðs bróður síns má segja að veröld Arnalds hrynji og um leið tvístrar harmleikurinn fjölskyldu hans. 

Arnaldur höndlar ekki bróðurmissinn, situr uppi með fjölmargar spurningar en engin svör og leiðist út í óreglu sem á ekki eftir að bæta líf hans ... Myndin verður frumsýnd þann 25. janúar og er kvikmyndaáhugafólk hvatt til að láta hana ekki fram hjá sér fara. 

Kvikmyndatökumaður myndarinnar er Christoph Nicolaisen sem á meðal annars að baki Óskarsverðlaunamyndina Toyland, en þeir Þór Ómar kynntust þegar þeir störfuðu saman að auglýsingagerð í Þýskalandi.

Úr umsögnum um bókina:

„Persónan Arnaldur er fádæma lífleg og marghliða og atburðarásin er hlaðin spennu … skýr þjóðfélagsádeila.“
- Þórunn Hrefna Sigurjónsdóttir, Stúdentablaðið.

„Besta íslenska skáldsaga sem ég hef lesið í mörg ár.“
- Hallgrímur Helgason.

Aðalhlutverk: Styr Júlíusson, Davíð Guðbrandsson, Alexía Björg Jóhannesdóttir, 
Hilmir Snær Guðnason, Damon Younger, Þorsteinn Bachmann, Þór Túliníus,
Arndís Hrönn Egilsdóttir, Rakel Björk Björnsdóttir, Ísak Hinriksson og Kristján Hafþórsson.

Leikstjórn: Þór Ómar Jónsson

14

Kaupa Miða