Leikjameistarinn

Leikjameistarinn er stærsti og flottasti pakkinn sem Smárabíó býður upp á þar sem keppt er í öllum skemmtilegustu tækjunum eins og Speed of Light, Lasertag, VR, Beerball, Fruit Ninja, þythokkí, körfubolta og margt fleira.

Hópnum er skipt í lið og kýs hvert lið liðsstjóra. Starfsmenn Smárabíós sjá um að skrá stigin niður og krýna svo sigurvegara. Leikjameistarinn er æsispennandi keppni þar sem reynir á leiðtogahæfileika liðsstjóra, velja þarf bestu liðsmenn til að keppa í hverri þraut fyrir sig og svo skiptir hvatning liðsfélaga öllu máli til að komast á toppinn.

Rafíþróttasvæði

Smárabíó hefur sett upp fullkomna aðstöðu til að stunda rafíþróttir og spila tölvuleiki!

Á rafíþróttasvæði Smárabíós setjum við upp keppnir í ýmsum tölvuleikjum s.s. FIFA, Fortnite og fleiri góðum. Mótin eru skipulögð af starfsfólki Smárabíós og er tími móta breytilegur eftir fjölda gesta.

Á rafíþróttasvæðinu er aðstaða til að slappa af á milli leikja og taka leik í þythokkí, boltasparki og fleiri spilakössum.

Leiktækjasalur

Í Smárabíói er glæsilegur leiktækjasalur þar sem allir geta haft gaman og hentar frábærlega fyrir afmæli fyrir alla aldurshópa! Spilasalurinn inniheldur fjölmörg skemmtileg tæki þar sem krakkarnir geta leikið sér í klukkustund áður en borðað er. Þetta er frábært eitt og sér en einnig góð hugmynd að bæta við viðbótum, svo sem lasertag, VR eða karaoke!

Tímakort fást í möttöku Smárabíós.

Athugið að tímakortin gilda ekki í Virtual Rabbids.

Karaoke

Sláðu í gegn og bjóðið vina-/vinkonuhópnum í karaoke!

Karaokeherbergið í Smárabíói er útbúið fullkomnum græjum og eitt glæsilegasta sinnar tegundar á landinu. Borgað er fyrir klukkutíma eða tvo og veitingar eru greiddar eftir fjölda gesta. Í karaokegræjunni eru meira en 30.000 lög sem gestir geta spreytt sig á.