Auglýsingar

Auglýstu vörur eða þjónustu á undan bíósýningum

Smárabíó og Háskólabíó gera kvikmyndahúsaauglýsingum hátt undir höfði og sýna þær 100% stafrænt í öllum sölum. Þannig eru gæði hljóðs og myndar langt umfram það sem gerist í sjónvarpi. Hægt er að kaupa birtingar í 1-3 vikur eða fleiri og fer afslátturinn hækkandi eftir því sem birtingatímabilið er lengra. Áherslan er fyrst og fremst á að bæta gæði og þjónustu við auglýsendur – og um leið bíógesti.

Við leggjum mikla áherslu á að auglýsingarnar birtist réttum markhópum og pössum okkur á því að para auglýsingar við kvikmyndir sem líklegar eru til að draga að sér áhorfendur sem eru áhugasamir um vöruna eða þjónustuna sem um ræðir. Bíóauglýsingar er áhrifaríkur auglýsingakostur enda fá auglýsendur gott aðgengi að viðskiptavinum sínum á þeirri stundu sem þeir eru móttækilegir og tilbúnir til að meðtaka það sem birtist á tjaldinu.

Við hugsum vel um auglýsendur okkar og bjóðum upp á ýmis fríðindi, t.d. boðsmiða á sérsýningar, galasýningar o.þ.h.

Guðmundur Breiðfjörð sér um auglýsingabókanir í bíóhúsunum okkar.