Borg - McEnroe er frumsýnd á föstudag

Sverrir Guðnason og Shia LaBeouff fara á kostum

10.10.2017

Myndin segir okkur forsöguna að hinum magnaða úrslitaleik á tennismóti Wimbledon árið 1980 á milli Björns Borgs og Johns McEnroe. Um leið er skyggnst á bak við tjöldin í lífi beggja keppenda og hvað þeir þurftu að leggja á sig til að ná á toppinn í tennisheiminum. Þeir þóttu mjög ólíkar manngerðir; Borg þessi rólega og yfirvegaða týpa en McEnroe var afar skapbráður og frægur fyrir útistöður sínar og háværar deilur við dómara á leikjum sínum. Þeir Shia LaBeouff og hinn íslenski Sverrir Guðnason þykja túlka þá McEnroe og Borg af snilld. Einnig leikur Stellan Skargard stóra rullu í þessari mjög svo athyglisverðu bíómynd frá höfundi Armadillo.

Borg - McEnroe er frumsýnd á föstudaginn í Háskólabíói.