Bíótöfrar: In Bruges (2008)

Tveir leigumorðingjar, Ray og Ken, eru sendir til Brugge í Belgíu eftir misheppnað verkefni. Þeim er gert að bíða þar eftir næstu fyrirmælum, en meðan Ray reynir að drepa tímann í borginni glímir Ken við hugsanir um það sem á undan er gengið. Það sem virðist í fyrstu vera óvænt frí í fallegri borg tekur fljótt óvænta stefnu þegar næsta verkefni þeirra kemur í ljós.

‍

In Bruges blandar saman svörtum húmor, glæpum, spennu og óvæntri tilfinningadýpt. Colin Farrell og Brendan Gleeson fara á kostum sem ólíkir félagar sem þurfa að horfast í augu við afleiðingar gjörða sinna, á meðan Ralph Fiennes bætir enn meiri óútreiknanleika við söguna. Undir gamansömu yfirborðinu leynist saga um sektarkennd, iðrun og möguleikann á að bæta fyrir mistök sín.

‍

Ath! Myndin er sýnd án texta.