Algengar spurningar og svör
Ég fékk ekki miðann minn sendan í tölvupósti
- Endilega kíktu í ruslhólfin þín! Ef þú finnur ekki miðann þar máttu gjarnan hafa samband.
- Ef þú ert með bókunarnúmer getur þú sett númerið í sjálfsala hjá okkur þegar þú mætir og þá prentast miðinn/miðarnir út. Einnig er hægt að prenta miðann/miðana út í miðasölunni.
Get ég fengið miðann minn endurgreiddan?
- Til að hætta við bókun og fá endurgreitt þarf að hafa samband við miðasöluna á midasala@smarabio.is ásamt bókunarnúmeri og símanúmeri með að minnsta kosti 4 tíma fyrirvara.
- Einnig er hægt að hringja í miðasöluna í síma 5640000
- Ekki er hægt að fá miðann endurgreiddann ef styttra en 4 tímar eru í sýningu - þá er í boði að fá að skipta um tíma eða fá boðsmiða.
- Ekki er hægt að fá miðann endurgreiddann né fá boðsmiða eftir að sýning hefst.
Hvernig nota ég gjafabréfið mitt?
- Þú getur notað gjafabréfið þitt á netinu, í Smárabíóappinu eða í sjálfsala hjá okkur!
- Til að nota gjafabréf á netinu ferð þú í gegnum ferlið eins og þú sért að versla almenna miða. Í 4. skefinu smellir þú á "nota kóða" og þá kemur miðinn á "0".
- Ef þú ert með fleiri en eitt gjafabréf, þá gerir þú eins og textinn hér að ofan segir, síðan smellir þú á "nota annan kóða" og slærð inn kóðann.
- Þegar búið er að setja inn alla kóðana, smellir þú á "kortagreiðsla" og færslan fer í gegn.
Hvernig nota ég Nova 2F1 tilboðið?
- Til að nota Nova 2F1 tilboðið á netinu velur þú "Nova 2F1 (2miðar) í fyrsta skrefinu, nóg er að velja einn svona miða þar sem tveir miðar eru inni í verðinu.
- Í fjórða skrefinu smellir þú á "nota kóða" og stimplar inn kóðann sem þú fékkst afhendan í Nova appinu eða í sms.
- Þegar búið er að smella á kóðann, smellirðu á kortagreiðsla og greiðir fyrir einn miða.
- ATH. Nova 2F1 gildir ekki í Lúxus, VIP sæti eða með öðrum tilboðum.
Hvernig nýti ég öryrkja eða eldri borgara afslátt?
- Hægt er að nýta öryrkja og eldri borgara afsláttinn hjá okkur á staðnum
- Ekki er hægt að nýta afsláttinn á netinu þar sem það þarf að framvísa skilríkjum á staðnum
- Öryrkja og eldri borgara afsláttur gildir ekki í Lúxussal
Afbókunarreglur
- Til að hætta við bókun og fá endurgreitt þarf að hafa samband við miðasöluna á midasala@smarabio.is ásamt bókunarnúmeri og símanúmeri með að minnsta kosti 4 tíma fyrirvara.
- Einnig er hægt að hringja í miðasöluna í síma 5640000
- Ekki er hægt að fá miðann endurgreiddann ef styttra en 4 tímar eru í sýningu - þá er í boði að skipta um dag/tíma eða fá boðsmiða.
- Ekki er hægt að fá miðann endurgreiddann né fá boðsmiða eftir að sýning hefst.
- Ekki er hægt að fá miðann endurgreiddann ef viðskiptavinur telur bíómyndina ófullnægjandi.
Almennar reglur og tilmæli
- Reykingar og veip er með öllu óheimilt í Smárabíói
- Notkun myndavéla eða kvikmyndaupptökuvéla er óheimil.
- Utanaðkomandi veitingar eru óheimilar.
- Óheimilt er að trufla aðra áhorfendur og skemma sýninguna fyrir öðrum t.d. með notkun farsíma.
- Starfsfólk Smárabíós hefur rétt á að vísa þeim á þyr sem hafa truflað sýningar eða brotið reglur kvikmyndahússins án þess að endurgreiða þeim miðann. Við alvarlegustu aðstæður verður málum vísað til lögreglu.
- Smárabíó fylgir lögum um kvikmyndaskoðun nr. 62/2006 varðandi aldurstakmörk á myndir.
- Starfsfólk Smárabíós hefur rétt á að neita að selja miða ef viðkomandi er undir þeim aldurstakmörkum sem myndin leyfir, sbr. það sem lög segja til um.
- Starfsfólk Smárabíós hefur rétt á að óska eftir skilríkjum þess sem kaupir bíómiða ef myndin er bönnuð innan ákveðins aldurs eða til þess að staðfesta aldur ef um afslátt er að ræða.
- Smárabíó lætur tölvupóstföng aldrei í hendur þriðja aðila.
- Vefur Smárabíós meðhöndlar engar kortaupplýsingar.
- Allar kortaafgreiðslur fara í gegnum örugga síðu Rapyd á Íslandi.
Algengar spurningar og svör um afmæli
Hérna eru atriði sem gott er að hafa í huga ef þú heldur uppá afmæli í Smárabíói:
Almennt
- Mælt er með því að mæta 5 til 10 mínútum áður en afmælisgestir mæta til þess að hafa tíma til að koma sér fyrir á afmælissvæði og tala við þann starfsmann sem sér um afmælið.
- Öll afmælisbörn fá afmælisgjöf, þótt það séu 2 eða fleiri að halda saman.
- Greitt er fyrir þann fjölda sem staðfestur er sólarhring áður, fullt verð fyrir fjöldann sem mætir og 1.000kr á mann fyrir fjölda umfram upp að staðfestum fjölda .
- Lágmark þarf að greiða fyrir 10 manns.
- Utanaðkomandi veitingar eru ekki leyfðar nema tekið sé afmæli með pizzuveislu, þá eru afmæliskökur leyfðar.
Afmæli með pizzu
- Utanaðkomandi veitingar eru ekki leyfðar fyrir utan afmæliskökur.
- Borðbúnaður fylgir með þegar bókað er afmæli með pizzu, borðbúnaðurinn sem fylgir er eftirfarandi: skeiðar, diskar, glös, servíettur.
- Reiknað er með 2 pizzusneiðum á mann.
Lasertagafmæli
- Gott er að hafa nafnalista yfir afmælisgesti meðferðis, það flýtir fyrir skráningu í lasertaginu.
- Lasertagið tekur allt að 24 manns í einu og hver leikur tekur 7 mínútur nema um annað sé samið.
Leikjaafmæli og leikjaviðbót
- Skila þarf öllum leikjakortum til starfsmanns eftir að tíminn rennur út.
- Allar tegundir af leikjakortum virka í öll tækin en aðeins einu sinni í Virtual Rabbits.
- Leikjaafmæli eru einungis í boði á virkum dögum.
Skilmálar barnaafmælis
- Bíósýningar eru almennar sýningar og því almennur sýningartími.
- Foreldrar og forráðamenn bera fulla ábyrgð á börnunum og eru vinsamlegast beðin um að virða aðra gesti bíósins.
- Ráðlagt er að einn foreldri/forráðamaður hafi umsjón með 5-7 börnum, 12 ára og yngri.
- Ekki er heimilt að skilja börnin ein eftir inni í sal.
- Gestir eru á eigin ábyrgð að koma sér í salinn.
- Einungis er hægt að bóka afmælissvæði þegar bókað er afmæli með pizzum frá okkur.
- Ekki er leyfilegt að mæta með utanaðkomandi veitingar nema bókað sé afmælissvæði s.s. afmæli með pizzum frá okkur.
- Í Smárabíói eru tekin frá sæti vegna sætavals.
- Borgað er fyrir þá forráðamenn sem sitja sýningu.
